Дзень роднай мовы

З 18 па 28 лютага ў бібліятэках Калінкавіцкага раёна праходзіць Дэкада роднай мовы «Родная мова – крыніца нацыянальнай самасвядомасці», прысвечаная Дню роднай мовы.

У межах Дэкады роднай мовы ў бібліятэках прайшлі мерапрыемствы, якія былі аб’яднаныя адзінай мэтай — захаванне моўных і культурных традыцый беларускага народа.

18 лютага ў Юравіцкай сельскай бібліятэцы прайшла акцыя «Вітаю цябе, беларуская кніга!». Бібліятэкар не толькі вітала чытачоў на роднай мове, але і прапанавала ім пазнаеміцца з выставай.

Выстава складалася з вядомых з дзяцінства мастацкіх твораў беларускіх песняроў: Я. Коласа, Я. Купалы, М. Танка, М. Багдановіча, І. Мележа і іншых. Таксама былі прадстаўлены энцыклапедычныя выданні па гісторыі беларускага кнігадрукарства, бібліяграфіямі беларускіх асветнікаў, навінкі мастацкай літаратуры.

Усе кнігі, выданыя на беларускай мове, добра ілюстраваны, а галоўнае — даступныя кожнаму, хто наведаецца ў бібліятэку.

За мудрым, вечным і цікавым родным словам запрашаем ў бібліятэку!

У рамках Дэкады роднай мовы ў Юравіцкай сельскай бібліятэцы прайшла культурная праграма «Пачытай са мной па-беларуску».

Дзеці пазнаёміліся з гістарычным шляхам роднай мовы. Разам з бібліятэкарам чыталі байкі вядомых беларускіх пісьменнікаў, адгадвалі занадкі, а потым пазнаёміліся з кніжнай выставай.