Да 100-годдзя Васіля Быкава

19 чэрвеня 2024 года споўнілася 100 гадоў выдатнаму пісьменніку Васілю Уладзіміравічу Быкаву, творы якога ўзварушылі грамадства праўдзівым паказам ваеннага ліхалецця, калектывізацыі, гадоў рэпрэсій.

У гонар 100-годдзя з дня нараджэння пісьменніка-франтавіка ў філіяле “Шыіцкая сельская бібліятэка” быў праведзены літаратурны партрэт “Маленькі чалавек на вялікай вайне”.

Удзельнікаў мерапрыемства бібліятэкар пазнаёміла з біяграфіяй юбіляра і яго творчасцю, расказала пра тое, што на працягу многіх гадоў сваёй творчасці Быкаў быў верны тэме вайны.

Да мерапрыемства была падрыхтавана кніжная выстава «Трагічная праўда вайны», на якой прадстаўлены творы пісьменніка-юбіляра і літаратура аб яго жыццёвым і творчым шляху. Бібліятэкар зрабіла бібліяграфічны агляд экспанаваных на выставе выданняў.