«Аўцюкі-2023»

У Малых Аўцюках адбыўся Рэспубліканскі фестываль народнага гумару «Аўцюкі – 2023». Гэта ўнікальная падзея з мноствам забаў, непаўторным аўтэнтычным каларытам і сельскай кухняй. Удзельнікаў і гасцей фэста чакалі канцэртныя і конкурсныя праграмы, вуліца тэматычных падворкаў, разнастайныя выставы і многае іншае.

Сваю праграму прадставілі на свяце і мы. На пляцоўцы бібліятэкі ўсе жадаючыя ўдзельнічалі ў краязнаўчым даміно, знаёміліся з кнігамі на выставе «Каб нам жыць і не тужыць, трэба з гумарам дружыць», а таксама з афішамі фестываляў мінулых гадоў .

Акрамя таго, супрацоўнікі бібліятэкі на сваёй пляцоўцы прадставілі гасцям свята выставу фатаграфій «Аўцюкоўская фотасушка».